新麻蒲 BBQ (大埔超級城) (已結業)

一直都很喜歡食韓燒 貪佢配菜又多又好食 仲可以同三五知己一路食一路慢慢傾計 但無奈係香港 個個都忙 晚餐時間要抽幾個中食飯都好難約 但今日竟然大家都放假仲可以約到午餐 估唔到新麻蒲既韓燒套餐係咁好食同抵食架午市套餐同樣有大量配菜 未叫野食 枱面已經放滿左各種配菜有必食既爐邊蛋 泡菜 芽菜 生菜仲有各種醬料 絕對唔會同晚市有分別吖今日我就揀咗呢一個牛肋肉同護心肉套餐 份量超大 肉質望落非常新鮮燒上黎好快熟 肉香四溢 加埋包飯醬同生菜一齊食 味道同係韓國食既非常相似但係我更加鍾意點買油同埋鹽食 啖啖肉又可以試到勁嫩既牛肋肉當然生菜同其他配菜都係任加唔嬲啦超飽超滿足呀 午市套餐仲包左兩杯嘢飲飲品大杯 賣相仲唔錯 午市套餐幾十蚊 食足2小時 仲做得咁有誠意 下次一定會再嚟