台灣霧之戀 (已結業)

今日喺尖沙咀行街，行到厚福街嗰陣見到有人揸住杯芒果飲品飄著煙咁樣行出嚟，吸引咗我最後比我發現咗呢間買芒果椰奶嘅台式飲品店。當時舖頭做緊第二杯半價，二話不說就同朋友一齊買來飲。雖然舖頭嘅選擇都多，但係最受歡迎當然係佢嘅芒果椰奶系列，我哋都唔執輸決定買嚟試吓。我同朋友分別選咗小芋圓同白雪珍珠，兩者都好有咬口，煙煙韌韌。至於主角芒果，識得出啲芒果好新鮮，而且唔會話太酸，最重要係佢俾啲芒果份量都好多，絕對係對得住個價錢，鍾意芒果嘅朋友一定要黎試吓！