去滾

营业中

休息中

朋友仔同我慶祝生日😛去咗一間有80年代風格嘅舖頭打邊爐，入面勁多打卡位🤓估唔到而家打邊爐都咁潮，勁！成間舖頭都好用心，由餐紙、裝修、圍裙，所有嘢都好用心，比客人滾得開心之餘，亦感受到懷舊風味🤗另外佢哋有露天位置，可以室外打邊爐，仲要望到海景! 可以同班friend一齊影相chill下，大推👍🏻❁ 椰子雞湯底近排食咗好多嘢，想食清淡啲，叫咗個椰子雞湯底。一碟新鮮雞同埋一個椰子上枱，職員會親手倒啲椰水落去，倒完之後更加有驚喜係🙀職員會幫忙筆啲椰子肉放落去湯底。成件事非常有儀式感😛個湯底勁好飲🙈入面仲加咗竹笙、馬蹄，降下火。❁ 陀地靚肥牛肥牛好新鮮，切得幾薄身，每一件都好均勻，牛肉味香濃🤤而且脂肪比例平均，雪花架❄️🥩賣相好靚好吸引🧡❁ 鹹蛋黃炸魚皮平時都好鍾意食😍佢哋嘅鹹蛋黃醬一啲都唔會孤寒，勁多勁多鹹蛋黃醬，味道配搭啱啱好唔會太咸，脆卜卜餐前小食一流。佢真係好大碟，我哋兩個女仔好辛苦先食晒，抵食推介。❁ 黃金豆腐 好好味外脆內軟😛❁ 百花齊放蔬菜拼盤可以任揀三款菜😍竟然有冰菜，平時都係比較貴嘅菜，一於要試吓。口感好得意上面好似有啲水珠😛份量都OK多。