火五越式牛肉粉專門店 (其昌樓)

营业中

休息中

今日去到佐敦，見餓餓地，又想搵野食，平時食開都係日本野，今日就想食下東南亞野，行下行下，見到有間越南野，原來叫火五，二話不說就入去試試。由於兩個人又餓餓地，所以就叫多啲野食，於是就叫火五火車頭牛肉粉，越式鹹菜腐竹胡椒豬肚湯河、手作大蝦米紙卷、香茅雞翼、蠔油唐生菜、凍越式香滑濃咖啡、凍咸檸梳打。先講個火五火車頭牛肉粉，個湯底真係足料，食湯粉湯麵類，其實最重要係食佢個湯，呢個湯一絕，正。跟住就試下越式鹹菜腐竹胡椒豬肚湯河，雖然佢口味同火車頭牛肉湯唔同，但咸菜味幾夾個湯，又唔會太搶，仲有濃濃胡椒香。另外個手作大蝦米紙卷，加埋魚露正，蝦又夠大夠口感。至於香茅雞翼，煎得恰到好處，香茅味香得來又唔搶走雞翼煎香味。當然，食咁多肉，一定要叫返個菜平衡返夏天熱辣辣，緊係要叫埋兩杯消暑飲品，咖啡香而咸檸梳打又解渴，呢餐真滿足。