大喜屋

营业中

休息中

捉緊夏天的尾巴(3)—去完大圍，梗係去埋沙田啦。沙田對我來講，一定唔少得既係去食大喜屋。呢間放題一向都有質素，睇人就知。Book左檯同walk in都要分開兩條隊排，仲要排到出去匯豐銀行個度，證明無假。講返今次食咩先，今次我就主打刺身同埋肉食。刺身一向都係唔錯，亦係我既首選，雖然等左陣先送到，但咁就證明好多人叫，睇來D刺身師傅都做到唔停手，辛苦哂！雖然佢地係好辛苦，但我都係忍唔住叫左三round來食，睇來忙到D師傅死啦。哈哈。除左刺身，壽司亦真係食到欲罷不能，十分好食。除左刺身外，佢D燒類食品都係十分好食。當然唔少得叫羊鞍、一口牛、牛舌啦。食落去啖啖肉，最重要係肉汁咇哂出來，食呢類肉食，一定要係熱辣辣咁入口，肉香同油份同時入口先最正，佢真係做到！讚！另外，不得不推介佢個京西燒比目魚，魚油同個醬真係好夾，正。