韓牛牧場 (已結業)

今日經過登龍街，條街好多姐姐派傳單，見到有間食燒肉放題嘅餐廳，所以上去試吓。6式刺身拼盤，d魚生好新鮮，份量都幾多手作刺身韓牛壽司，上面係生韓牛，而下面d壽司飯係有味，唔使點豉油都好好味。韓國醬油蝦，非常鮮味，d醬油醃得好入味。四合海鮮拼盤，有蝦，有蜆，有青口，d蜆好鮮味，好重海水味。安格斯肉眼排，肥瘦適中，好重牛味，燒完仲好juicy。法式羊架，食落唔太酥，d肉好嫩滑，燒到外脆內嫩，好好食。除咗以上一次性嘅食物外，仲有好多款式任叫任食。有唔同類型嘅牛，有炸物，有韓式熟食。d牛叫幾多黎幾多，唔會漏單同唔會好耐都唔黎，炸物都幾好食，即炸，熱辣辣，韓式熟食就叫咗炒年糕同炒粉絲，都幾出色，好有韓國風味。出面仲有好多冷盤，汽水同雪糕可以任食，仲有d係香港好少有嘅韓國雪糕款式。整體上性價比都算高。