影片
更多
2021-12-22
71 浏览
就快到聖誕🎄喺呢個咁開心嘅聖誕假你哋會食啲乜？我分享先，我想推介吓呢間咁正嘅任食燒流水蝦×海鮮放題😍前日出story有朋友仔都即刻問我呢間係咩餐廳，勁有興趣想去試~咁我就即刻送上食評❤️.餐廳叫「燒蝦蝦🦐」，佢係位於元朗~一落樓梯就會見到我呢個新奇影相位（係我同buddy自己發現）有冇一刻睇錯以為我戴住咗隻大鹿角喺頭？🙈估唔到透過塊鏡嘅反射令到成張相勁應節極速影完就入餐廳攞位~店員會講解枱上面嘅餐具、工具嘅作用，例如細桶係用嚟裝冰同水~整暈啲流水蝦用，大桶就用嚟裝廚餘~.之後，一放低隨身物品，我哋就出去拎嘢食第一樣去拎嘅就一定係流水蝦😆啲蝦勁生猛🙈未夾中已經游走咗夾多幾吓終於都領悟到個技巧，手要定同夠快個夾一落水就要即夾，唔可以郁嚟郁去影響個水流嚇到啲蝦🦐周圍走結果成功畀我一口氣夾到8隻！夾完要即刻放入冰水桶，如果真係啲蝦真係好活躍，可以用個碟蓋住個桶，防止啲蝦郁郁吓彈濕晒啲地方~等緊啲蝦凍暈嘅時間，我哋就去海鮮區夾海鮮🦑🐟呢度嘅海鮮款式比我想像中多，有蠔、鮑魚、扇貝、魷魚、貴妃蚌等，全部都係任拎任食😍唔好以為任食就唔係靚貨，啲貴妃蚌同鮑魚係超新鮮！識郁㗎🤤味道勁鮮甜，貴妃蚌落埋自助調味
喺呢個咁開心嘅聖誕假你哋會食啲乜？
我分享先，我想推介吓呢間咁正嘅任食燒流水蝦×海鮮放題😍前日出story有朋友仔都即刻問我呢間係咩餐廳，勁有興趣想去試~
咁我就即刻送上食評❤️
.
餐廳叫「燒蝦蝦🦐」，佢係位於元朗~
一落樓梯就會見到我呢個新奇影相位（係我同buddy自己發現）
有冇一刻睇錯以為我戴住咗隻大鹿角喺頭？🙈估唔到透過塊鏡嘅反射令到成張相勁應節
極速影完就入餐廳攞位~店員會講解枱上面嘅餐具、工具嘅作用，例如細桶係用嚟裝冰同水~整暈啲流水蝦用，大桶就用嚟裝廚餘~
.
之後，一放低隨身物品，我哋就出去拎嘢食
第一樣去拎嘅就一定係流水蝦😆
啲蝦勁生猛🙈未夾中已經游走咗
夾多幾吓終於都領悟到個技巧，手要定同夠快
個夾一落水就要即夾，唔可以郁嚟郁去影響個水流嚇到啲蝦🦐周圍走
結果成功畀我一口氣夾到8隻！夾完要即刻放入冰水桶，如果真係啲蝦真係好活躍，可以用個碟蓋住個桶，防止啲蝦郁郁吓彈濕晒啲地方~等緊啲蝦凍暈嘅時間，我哋就去海鮮區夾海鮮🦑🐟
呢度嘅海鮮款式比我想像中多，有蠔、鮑魚、扇貝、魷魚、貴妃蚌等，全部都係任拎任食😍
唔好以為任食就唔係靚貨，啲貴妃蚌同鮑魚係超新鮮！識郁㗎🤤
味道勁鮮甜，貴妃蚌落埋自助調味區拎嘅蒜蓉同牛油，食到停唔到口，我同buddy極力推介一定要食！
我諗我哋一人起碼都食咗一打半貴妃蚌😍真係唔講得笑
鮑魚都因為新鮮，食落味道都好鮮甜，頭兩隻我就輕輕落咗少少鹽釣味，已經勁正！之後再食就試吓落少少孜然粉~又係另一番風味😆不過燒嗰陣要注意返，要剪甩嚿肉先
而魷魚我覺得都值得一試，我先喺魷魚兩邊落鹽，然後塞咗啲蒜蓉牛油入筒~燒完之後用較剪開一圈圈，超惹味😍
.
燒完一轉海鮮，啲蝦都暈晒，冇咗彈起，我哋就燒嚟試吓！
平時我唔係好食蝦，因為本身會敏感，會起紅點，但係buddy話真係好好食，我就忍唔住試，果然‼️啲蝦肉極彈牙！
我只係喺燒嘅時候喺蝦殼兩邊落少少鹽，但個味食落係鮮甜帶微鹹，連蝦頭都有膏，有啲仲好肥美添！
.
可惜嘅係🙈我哋開頭食其他海鮮食得太盡興，已經食唔到再多嘅蝦，同埋除咗海鮮，其實仲有好多肉，有羊架、雞翼等，
下次再去一定要留番啲位食吓其他嘢🤤整體嚟講，呢餐真係好滿意！連之前大讚完某間餐廳蒸海鮮好食嘅buddy都話呢間 「燒蝦蝦」完勝！🏆
.
🦐燒蝦蝦
📍元朗西裕街5-11號金福閣地庫
.
.
#hkfoodie #hkfood #hkblogger #hkinfluencer #hkig #hkgirl #打卡 #香港打卡 #hkbeautyblogger #hkgirls #discoverhk #discoverhongkong #香港 #香港好去處 #hk #元朗美食 #yuenlong
张贴
