元気寿司 (聯發新樓)

营业中

休息中

話說今晚唔想食茶記，又見好耐無食壽司，見到元氣係咁賣廣告，於是就幫襯下。我女朋友其實勁鄙視我，唉我都好後悔。我食咗雜錦刺身丼定食($47.6)，去到先知而家會員得七折，唔係六五折囉，上錯賊船咁。嗌完等咗20分鐘先有。我太肚餓喺公園食，好慘。但一打開真係想講粗口，食丼飯唔畀匙？要用筷子爬飯都算。最慘係個飯超難食，難食過堂食一百倍，魚生勁下欄位，啲色死死沉沉，聞落仲腥腥地，想死！壽司飯就勁乾身，落完豉油都好難呑。魚生同飯量都超少，勁搵笨。我食完可以食返平日晚飯份肉餅...。麵豉湯又䶢又唔夠熱唉。難以想像今時今日嘅元氣嘅質素仲差過爭鮮(認真)，不了不了不了。我以後都會再食放棄香港食客嘅餐廳。