先睇睇個環境
場地乾淨，闊落，侍應有禮
款式太多，數之不盡，自己睇睇。
鴛鴦湯底，滿足各位有辣有唔辣，任君選擇。
叫左個海鮮餐，全部海鮮都非常新鮮，爽口，味道一流。
海鮮餐絕不媽呼，有齊貴價野。最正有蠔及象拔蚌，識食一定食象拔蚌個膽! 好難先搵到個膽食 (放題有呢個超正，推介!
)當然，仲有鮑魚!
剩係海鮮都回本啦! 跟住點少得肥牛!
本地、美國、雪花、牛粒，真係應有盡有，$300人頭，真係超值!
比埋其他野食大家睇睇!
登登登登! 鮮鵝腸呀!
野飲任飲! 最正係，嗜酒如命既我，支裝藍妹任飲!
講真，任食好少藍妹任飲!
最後，雪糕甜品少不了。
總結: 無論一大班或兩公婆都岩黎既火鍋放題，環境舒適，夠大。野食絕對一流，抵食。唔知點解成棟大廈都係做邊爐生意，下次或者試下其他樓層，不過呢間絕對可以翻吃，首選。多謝晒當日有禮既服務，$300有找，我唔知邊度搵到，我絕對會介紹一鍋豐比朋友試!
