Walter Bistro (智選假日酒店) (已結業)

呢排受疫情影嚮都唔係成日出街 既然出得去就要對自己好啲 今日嚟到觀塘市中心後面嘅呢間酒店食半自助餐午餐時間 餐廳唔太多人 仲做緊折扣優惠非常抵食 餐廳用咗好靚嘅tiffany blue做主調而且加上雲石紋枱同 金屬嘅擺設 非常少女味濃沃半自助餐包括咗冷盤沙律吧同甜品等等 一開頭梗係食個沙律先啦 蔬菜新鮮不在話下 仲有 好多唔同嘅醬料 個人最喜愛就係蜜糖芥末醬甜甜地又夠清新 鷹嘴豆加牛油果都好夠特別有四種唔同口味嘅芝士任君選擇 芝士迷一定瘋狂主菜叫左烤肉眼薯蓉及新鮮蔬菜五成熟煮得啱啱好 入面仲係鮮嫩嘅粉紅色 而且牛味濃郁 份量唔帶大 番個肚食甜品就啱啱好我最鍾意食嘅cream beret呢度都有 非常嫰滑而且蛋味香濃 焦糖脆脆更加加強口感