影片
更多
2021-12-15
77 浏览
令和鍋物酒場 (旺角)📍旺角彌敦道613號飛達商業中心1樓🇯🇵繼續不能飛嘅日子，掛住日本嘢食，特別係居酒屋，唯有再嚟令和鍋物酒場一解思念。已經係第四次過嚟食，位置方便，坐得都算舒服，OpenRice 訂位有7折，而且枝裝酒仲有半價，嘢食質素都算對得上價錢，🍎林檎梅酒梅酒算係令和鍋物酒場既招牌之一，有相當多種類可以選擇，今次就揀左林檎梅酒。雖然加林檎令酒味比較弱，但酸酸甜甜，都算易入口。 🍠蕃薯天婦羅因為自己勁愛食蕃薯，所以忍唔住叫左蕃薯天婦羅。首先份量上係好滿足，一碟成6舊，最緊要係蕃薯夠甜，食到蕃薯味，加上出面都算脆，我哩d蕃薯控都滿意。 🍆燒茄子燒茄子真係佐酒必備小食，哩度既茄子燒到夠曬淋，加上醬油同鰹魚乾，勁香勁入味，仲要食曬成碟都無咩罪惡感。 🐮石板燒－日本A4和牛今次出黎食飯係因為朋友有喜事要慶祝，所以稍為食豪少少，哩度嘅A4和牛都無令人失望，勁多油花，入口即溶，算係慰藉一下去唔到日本嘅「思鄉」情切，不過油脂真係好豐富，怕油膩嘅可能揀其他牛肉會好啲。 🐟火炙金槍魚伴蜜糖芥末醬金槍魚都好新鮮，上面加埋蟹子，鮮上加鮮，都相當推薦。 🥘鍋物－M6 澳洲和牛因為我地都成4個人，所以都
📍旺角彌敦道613號飛達商業中心1樓
🇯🇵繼續不能飛嘅日子，掛住日本嘢食，特別係居酒屋，唯有再嚟令和鍋物酒場一解思念。已經係第四次過嚟食，位置方便，坐得都算舒服，OpenRice 訂位有7折，而且枝裝酒仲有半價，嘢食質素都算對得上價錢，
🍎林檎梅酒
梅酒算係令和鍋物酒場既招牌之一，有相當多種類可以選擇，今次就揀左林檎梅酒。雖然加林檎令酒味比較弱，但酸酸甜甜，都算易入口。
🍠蕃薯天婦羅
因為自己勁愛食蕃薯，所以忍唔住叫左蕃薯天婦羅。首先份量上係好滿足，一碟成6舊，最緊要係蕃薯夠甜，食到蕃薯味，加上出面都算脆，我哩d蕃薯控都滿意。
🍆燒茄子
燒茄子真係佐酒必備小食，哩度既茄子燒到夠曬淋，加上醬油同鰹魚乾，勁香勁入味，仲要食曬成碟都無咩罪惡感。
🐮石板燒－日本A4和牛
今次出黎食飯係因為朋友有喜事要慶祝，所以稍為食豪少少，哩度嘅A4和牛都無令人失望，勁多油花，入口即溶，算係慰藉一下去唔到日本嘅「思鄉」情切，不過油脂真係好豐富，怕油膩嘅可能揀其他牛肉會好啲。
🐟火炙金槍魚伴蜜糖芥末醬
金槍魚都好新鮮，上面加埋蟹子，鮮上加鮮，都相當推薦。
🥘鍋物－M6 澳洲和牛
因為我地都成4個人，所以都叫左鍋物做主菜，鍋物材料都算豐富，澳洲和牛質素都唔錯，我地仲追加咗一鍋蔬菜同雞丸。冬天打邊爐真可以話係朋友聚會嘅好選擇。
🍴哩間一向都令人滿意，應該繼續會係朋友約食飯嘅熱門選擇。
张贴
