台式地道美食

番工出差，出完就流落旺角街頭，搵嘢食。

我一向鍾意食台灣嘢，但係香港唔算多。所以經過呢間大牌檔時，眼前嘅勁大粒肉丸即刻吸咗我埋去。

八蚊一串共四粒嘅四寶丸，有牛丸、墨魚丸、蝦丸同魚蛋。每粒丸都比乒乓波都要大，計起份量同用料嘅話，要比平時五六蚊一串嘅魚蛋更加抵食。

跟住見到有一堆細細條嘅所謂台式腸仔，有三種味道，有辣有唔辣，仲有蜜糖味。見到有辣味，結果就豪咗六蚊比佢。需然呢條四寸左右、一蚊銀咁幼嘅腸仔，好似好貴，但係食落多汁又香，令我想起兩年前響台北山邊嘅原居民所賣嘅山豬肉造嘅腸。

跟住再要咗八蚊十粒魚蛋。食落同其他地方冇乜大分別，但係就平好多。

臨走口乾，要咗個十二蚊嘅冰沙。呢個就唔掂喇。飲到尾係冇哂味。下次都係飲番凍飲而唔係冰沙。