極尚大瀛喜日本料理 (已結業)

貓貓又食放題啦，今日食左好多野食呀。貓貓戰鬥力提升左好多。貓貓最期待既刺身拼盤，冒住煙登台，仙氣十足。刺身切得靚。劍魚係貓貓的最愛。個肉質肥美，夠滑，而且味道甜，食落勁爽。所有蝦都好新鮮，夠甜。第一次食醬燒比目魚，比目魚燒得皮脆，魚肉多汁，好少係放題食到好食既比目魚。七味雞翼都好好食，皮整得脆，少少辣味，食落更加開胃。原來呢度有貓貓鍾意既鰻魚玉子燒。貓貓order左兩個俾貓貓食。玉子同鰻魚味道真係好夾，貓貓好鍾意鰻魚既口感加埋玉子既甜味，貓貓濕左個嘴。仲有帶子鵝肝壽司。呢個都係完美既組合。鵝肝脂肪滴落帶子度，香味同帶子混合，擺落個口度，味覺豐富，貓貓覺得好好吃，但貓貓不說。貓貓見到原來出邊有麻甩野，牛筋腩。好夠味，食到八角既香味，牛腩入曬味，貓貓攞左成碟，好快清曬。雞軟骨串永遠都係貓貓最愛。加幾滴檸檬汁，好開胃。仲有海蜇呀！爽口彈牙，好開心呀！呢間放題真係勁多野食，食物質數好，貓貓食得超級飽！