URBAN Cafe (駱駝漆大廈第一座)

营业中

休息中

我又黎同貓貓玩喇！今次都係揀觀塘店，貪佢地方大啲同多好多貓貓～～～～～ 今次我地揀左三款野食，水準唔錯！邪惡四重芝士煙肉蒜香拉絲通心粉：呢個通心粉聽個名都知佢邪惡程度爆哂燈，用咗四款不同口味嘅芝士，仲加埋煙肉同埋蒜香添，令人聞到都流哂口水啦，而芝士仲要勁多，可以做到拉絲，煙肉有油香同埋增加口感，蒜香味同芝士好夾。水牛城雞翼：所用嘅雞翼隻隻份量十足，炸衣夠薄，炸得好香脆可口，但肉質仍能保持嫩滑多汁。而特製嘅水牛城醬汁酸中帶辣，令雞翼更加惹味。西班牙海鮮燴飯：呢個飯用咗多款嘅海鮮，包括魷魚、蝦、蜆等，令飯帶有海鮮嘅鮮甜，而飯嘅軟硬度適中，令整個燴飯變得更加好味