影片
更多
2019-08-18
147 浏览
話說上一次嚟呢度食已經係中學嗰陣（幾年前）嗰日咁岩經過Yoho見到餐牌幾吸引就入左去食！印象中呢度係食烏冬 原來依家仲有刺身、其他日式小菜，不過咁啱唔啱日子，所以要下次先嚟試吓啦我哋為咗試多啲嘢淨係嗌咗一個烏冬share，另外在嗌咗四道小菜！1. 牛扒烏冬本身自己好鍾意蕃茄味湯底，平時去到邊都會想試吓果到嘅蕃茄系列！佢嘅湯底都冇令我失望，係比較「潔」身，好濃番茄味有好多蕃茄肉啊！最後係連埋湯底全部清晒嘅，哈哈！至於烏冬都好彈牙，有啲似手工烏冬嘅口感，份量都好夠！而牛扒我都覺得好出色，佢唔係普通茶餐廳嘅牛扒，係完全唔un 啲肉好林!! 睇相都知佢無煎得太乾仲好有肉汁！2. 雞翼餃子本身好鍾意食雞翼，更加鍾意食釀雞翼，因為無骨啖啖肉！成隻雞翼都係脹卜卜，夠晒足料！裏面啲餡唔會太油，調味適中，皮炸到脆脆的，好味！一人一隻過下口癮！3. 雞軟骨餃子本身以為佢個皮會好似普通煎餃咁都係脆嘅，食落先知係林嘅，男朋友話咁先可以特顯到雞軟骨嘅脆卜卜口感，又幾得意啵4. 人氣炒雜菇我最鍾意食菇類，所以叫咗個炒雜菇試下。佢本身牛油味都幾重，夠晒香，食食下吓發現原來有啲鮑片喺裏面，同啲菇又幾夾喎！5. 茶碗
嗰日咁岩經過Yoho見到餐牌幾吸引就入左去食！
印象中呢度係食烏冬 原來依家仲有刺身、其他日式小菜，不過咁啱唔啱日子，所以要下次先嚟試吓啦
我哋為咗試多啲嘢淨係嗌咗一個烏冬share，另外在嗌咗四道小菜！
1. 牛扒烏冬
本身自己好鍾意蕃茄味湯底，平時去到邊都會想試吓果到嘅蕃茄系列！佢嘅湯底都冇令我失望，係比較「潔」身，好濃番茄味有好多蕃茄肉啊！最後係連埋湯底全部清晒嘅，哈哈！至於烏冬都好彈牙，有啲似手工烏冬嘅口感，份量都好夠！而牛扒我都覺得好出色，佢唔係普通茶餐廳嘅牛扒，係完全唔un 啲肉好林!! 睇相都知佢無煎得太乾仲好有肉汁！
2. 雞翼餃子
本身好鍾意食雞翼，更加鍾意食釀雞翼，因為無骨啖啖肉！成隻雞翼都係脹卜卜，夠晒足料！裏面啲餡唔會太油，調味適中，皮炸到脆脆的，好味！一人一隻過下口癮！
3. 雞軟骨餃子
本身以為佢個皮會好似普通煎餃咁都係脆嘅，食落先知係林嘅，男朋友話咁先可以特顯到雞軟骨嘅脆卜卜口感，又幾得意啵
4. 人氣炒雜菇
我最鍾意食菇類，所以叫咗個炒雜菇試下。
佢本身牛油味都幾重，夠晒香，食食下吓發現原來有啲鮑片喺裏面，同啲菇又幾夾喎！
5. 茶碗蒸
呢度係我男朋友最鍾意嘅一道菜，就咁睇佢表面就知佢多料，望落個蛋好似唔算好滑，但原來有驚喜！佢入口即溶，擺入口最後好似飲湯咁，超滑超有蛋味！裏面除咗菇之外仲有海鮮，成隻大蝦擺咗喺入邊！！！好味！
6. 白桃梳打
最後嗌咗一杯白桃梳打，個底有好多蒟蒻，白桃嘅味道唔假，唔會似出面果d咳藥水味，可以一試！
最後我哋係全枱清晒！一次過試咗好多唔同種類嘅嘢，勁滿足呀！下次上嚟試吓飯同埋刺！
咁岩上次六點幾就去到，食完八點都差唔多要等位了！平日黎講都算旺呀！
张贴
