Wingman (已結業)

之前朋友話有間食雞翼放題嘅餐廳，我係雞翼控，所以專登黎朝勝一下啦，餐廳地址都好方便，喺旺中附近嘅樓上鋪。我地叫咗幾款味道試吓咸蛋黃雞翼，雞翼食落好甘香嘅咸蛋黃味，上面仲鋪滿一絲絲嘅咸蛋黃絲，真係咸蛋味十足，咸蛋黃控一定要試。星加玻辣蟹雞翼，望落都好有星加玻風味，上面勁多炸蒜，蔥同辣椒，食落非常惹味，辣辣地，好有風味。特制水牛城醬，上面好多chesses鋪滿，而水牛城味道就係甜甜辣辣，再配上chesses一齊食，勁夾。黑松露薯條，薯條炸得好香好脆，配上黑松露沙律醬，個醬有另一番風味。今期嘅crunch time product係漢堡包，買一送一，優惠期6月6日至6月13日，咁抵緊係要試吓啦，真係好巨型，個包成8吋厚，個涵係一塊好大嘅炸雞排，雞排好juicy,仲配埋薯條個配菜，真係好滿足。d雞翼款式真係勁多，佢地有仲個All you can eat 餐同雞翼放題餐，下次一定要試齊晒所有雞翼味道先得。