韓屋

营业中

休息中

#尖沙咀 #韓屋尖沙咀超人氣排長龍😍韓國湯飯店，次次經過都排晒長龍，今次終於的起心肝去試吓😆入邊有好多款湯飯，都係韓國好地道正宗，香港一般韓國餐廳都比較難搵嘅！小店裝修非常之有心思，成間鋪好光猛，仲有豬仔霓虹燈，好適合打卡用🐖🐷要一讚嘅係啲餐具碗碟好乾淨☺️叫咗兩款湯飯，牛膝骨湯同薯仔排骨湯🤩喺香牛膝骨湯係香港比較少有！以前喺韓國真係成日都飲😙一嚟到真係震驚左，湯頭非常之濃郁係奶白色！而且飲完一啲都唔會口渴，重點係入邊嗰啲牛軟骨係勁多，多到我心諗，落咁多得唔得㗎🤣🤣原來佢個飯係健康糙米飯🍚正！我中最鍾意食就係薯仔排骨湯，喺其他韓國餐廳一叫，就好大煲！呢款一人一鍋，份量啱啱好！豬骨係超級大，成個碗咁樣☺️☺️同埋真係好林，特別黐住骨嘅肉，成舊豬骨啲肉啪晒🥰仲叫咗個特大餃子煎餅，勁熱辣辣！煎得好香脆，入邊餡料有好多，呢間野都好多特色嘅餃子😌下次會再嚟試埋佢個釜山豬肉湯同人蔘雞湯😎試吓平日晏晝嚟唔使排隊🤓—————————————————————韓屋 (尖沙咀)尖沙咀金巴利道69-71A號美園大廈地舖