Gram Cafe & Pancakes (已結業)

今日返工放lunch,就同同事去左銅鑼灣食pancake。Pancake真係可以當飯食既，因為佢既份量好大份，夠哂飽肚！呢間店既環境好靚，坐得好舒服！打開餐牌，見到有極多唔同口味既班戟，不愧為班戟專門店！甜同鹹既口味都有，梗有一款岩食。我地兩個人就分別叫左甜既同鹹既。甜既係石板街班戟，佢有三層朱古力班戟，中間夾住cream同吉士醬，旁邊仲有綿花糖同埋杏仁脆，正！另一個就係意大利黑松露醬虎蝦班戟，呢個班戟係期間限定，佢有濃濃既黑松露香氣，仲配搭菇、番茄仔同埋新鮮無花果，超惹味，同埋鹹既pancake當lunch 食一流啊！