當天是星期三我們沒有事先訂枱但提早入座，這時段沒有太多人所以不用等位...眼看店內大概只有十零個座位，面前就是拉麵師傅的工作台，餐廳整體以簡單既日式裝潢為主，雖然不奢華，但可以感受到一種生活既態度。
餐牌簡約數款拉麵數款小吃，老闆上前來說道，要不由我發板兩碗最受歡迎的拉麵。我說：何樂而不為呢？
等拉麵到來時眼看一大煲熬制好的豬骨湯映入眼帘，老闆採用醬油魚介豬骨湯底為主打，魚香鮮味十足。所謂魚介，指的是魚和貝類的總稱。枱頭亦有拉麵胡椒、魚介油等等調味。
🍜足利黑蒜油豬骨湯底拉麵 $98
大家仲可以根據自己嘅喜好揀選湯底濃度、拉麵粗幼同硬度，我就揀咗濃湯底同普通硬度嘅麵條，麵的份量看起來似乎較少，先夾一注，入口是很香濃的黑蒜油香味，因此麵的原味就被蓋過了。麵身的質感則不錯，煙韌而帶彈性，可能因為較幼身，令到麵內外的軟硬度更為一致，這個粗幼度更對我口味。
溏心蛋的賣相也佳，蛋心呈半漿狀像要流出來的樣子。不過味道偏淡，醬油香不夠濃。特別欣賞半肥瘦嘅日式叉燒，預先用黑椒微微煎香再用火槍燒成，十分香口。
黑蒜油豬骨湯底，湯底以濃郁豬骨湯加上蒜頭焦香混合而成，香氣獨特誘人，特別蒜香撲鼻, 滋味滿分，每啖湯頭飲落不油膩，味道適中，配搭得宜💁🏻♀️
🍜豐臣四國香蔥油湯底拉麵 $98
超推介！！！！！！
香蔥油湯底回味十足，滿滿的香蔥加上淡味的豬骨湯底，味道濃郁之餘又不油膩，入口細滑。飲落不口渴，濃度剛好。
整碗食得出有香蔥油、京蔥、香蔥粒，口感豐富，香味突出，拉麵同樣地亦都煮得軟硬適宜，味道很好👍🏻
.
🥟武士日式煎餃子五隻 $38
同樣係新鮮煎起，一咬開肉汁豐富，餡料十足，入邊係椰菜同豬肉餡料，配上濃郁甜醬油，一啲都唔馬虎！價錢是合理的。
是晚同老闆都傾左好耐，人情味小店實在非常要多加欣賞，現在再告知一下【武士拉麵】會在7月結業，欣賞【武士拉麵】既你就爭取時間呢兩個月好去了，食物烹調用心非常滋味完全沒有華而不實，矯揉造作，值得一試的一碗拉麵。
