歇腳亭 (渣華商業中心)

营业中

休息中

见门口好大个易拉架宣传有台湾烧仙草卖，写住烧仙草嘅配料有芋圆、蕃薯粒、大小珍珠、红豆。我问店员可唔可以走珍珠，佢望咗好耐，好似唔知有呢样产品咁，佢跟住去同另一店员讲，最后确认系可以唔要珍珠。外卖等得唔耐，仲好重手，点知一食先发现唔止走珍珠，系得返烧仙草、红豆同白色嘅丸子（我唔知系咩，都系烟韧口感）。碗嘢成$36，一粒芋圆都冇，劲揾笨。*我提交嘅相片系我自己加咗奶捞埋嚟食，佢本身系冇奶。睇返2019年有个食评赞烧仙草配料好丰富，我就冇咁好彩喇，如果一早知道冇芋圆，我根本唔会帮衬，未食过一碗烧仙草系得红豆同丸子，啲白色丸子仲要痴埋一大嚿咁，煮得劲差，好冇心机，倒自己米咁。呢个价钱好唔值，宁愿买花斑茶社嘅芋圆仙草好过，人哋咁多分店都做到出品水准一致，足料又好食。我今次只系贪就脚先帮衬，点知就中伏。想食芋圆嘅朋友要小心。