宜豐餐廳 (已結業)

是晚第一次黎，兩個試左以下既食物﹕「鐵板龍利拼雞扒．黑椒汁」﹕個鐵板上來時已淋左汁，所以唔怕被d汁彈到一身都係 我試塊龍利，唔會太乾，無雪味，夠大塊，配上微辣既黑椒汁，真係唔錯 呢款既雞扒我無試到，因我叫的晚餐又是雞扒 但我的朋友說質素幾好~是日晚餐﹕今晚的主菜是「洋蔥雞扒」呀!! 岩哂愛吃「雞」的我 主菜未黎前，原來仲有前菜---煎石斑(又係魚) 唔緊要喎......至緊要好食 魚都未食完，主菜黎喇~ 大碟上有3...真係 3 塊雞扒呀@@ 仲有薯條同好多什菜，真係岩哂我口味 除此之外，仲有一碟飯呀!! 真係好好好抵丫~~~~~~~ 雞扒都煎得唔錯，d皮煎到金黃色，雞肉仲有汁，唔會乾得滯，真係好岩我「河車」 洋蔥汁配飯，簡直perfect~薯條雞翼﹕我仲以為係「波浪薯條」忝...點知係幼薯條...不過，熱辣辣既薯條就一定好味既~ 雞翼...4隻大大隻既中翼，都ok架，炸得金黃色，賣相同味道都收貨餐湯，我個人覺得紅湯好飲d，加d胡椒粉，good~ 餐包係一塊烘到金黃色既多士，塗上牛油，好味呀晚餐除左餐飲，仲有甜品架 啫喱一杯~ 我叫要多花奶，真係好有懷舊feel食左咁多野，你估幾錢