雲吞仔 (已結業)

行完花園街，攰攰地，想好好咁坐底食碗麵，咁啱見到呢間都有啲人係門人睇緊，就即管睇下。見佢門口啲相都唔錯，就即管入去試下啦。好彩入去先，跟住都要等啦。因入面都唔係好大，小店經營。但好企理既，同埋佢成道牆都係香港夜景，好得意呀。見到佢地都會細心自己處理生麵，真係家庭式手作，好warm。坐底叫左個雙拼，雲吞跟牛腩再配河粉，一碟菜芯，仲有凍檸茶。都好快就有得食。佢既份量又幾ok。 因而家好多麵舖都好似越黎越細碗，佢雙拼都算多。牛腩好大舊，而且夠稔，咬落幾好味，唔會太咸。而雲吞都好大粒，大過隻更，足有1隻蝦係入面。好好wor。碟菜芯都好味，鮮嫩又乾淨。跟住食食下，發先佢枱面同個碟都係希臘藍彩花紋，好靚呀。忽然覺得食碗麵都浪漫左。好有趣，亦好食既花園街麵店，好正。