金御海鮮酒家 (皇后大道中)

营业中

休息中

一個肉絲炒麵，令到我幾年都冇黎呢一間酒樓飲茶，今日行到呢度，俾個機會佢啦!酒樓裝修過，光猛過以前，都算開揚。好想食燒鵝，就嗌咗個鵝至叻套餐菜心冇苦味，都尚算脆綠。燒鵝真係有半隻喎! 而且有熱的感覺，啲肉都唔韌，有燒鵝的香味，有啲酒樓夠膽死搭夠俾你，即大部份雪藏搭幾舊新鮮鵝。 呢點值得讚: 呢間冇咁做，真係同一隻鵝嚟! 瀨粉係幼身嗰隻，口感爽滑。金御鮮蝦餃我唔係想講隻蝦有幾大隻，而係想話佢嗰個皮都未夾已經散咗喇! 呢度真係要注意下。 不過蝦係彈牙，個皮都唔係腍。鮮蝦春卷個皮炸得好脆，材料好豐富。蛋黃流沙包個麵包軟滑，係師傅做，入面真係有流沙和有一粒粒細細粒的蛋黃粒，唔會只得甜味。不過服務費要加12%， 再嚟飲茶要諗諗先。