燒味滷師 (成城大廈)

营业中

休息中

做節加餸，之前試過呢間燒味滷師既其他分店，屋企人話好唔錯，今次葵涌見度，一於呢度斬啲料加餸先。鋪頭好光猛，又衞生，全部都有玻璃櫃隔住。今次斬左燒鵝、叉燒、雞同海蜇鳳爪。至尊燒鵝，我揀左上庒，肉較多，抵食。雖然燒鵝肥先好食，但我都係鐘意上庒肉質瘦少少🤣。燒鵝皮超脆，肉質嫩又香口。客家鹽焗雞，鹹鹹香香，肉質超嫩滑。燒味佬叉燒，叉燒半肥瘦，甜甜又juicy，加餸一流。海蜇拼泰式鳳爪，嘩，鳳爪無骨架，我又好鐘意食海蜇，酸酸辣辣，好開胃，正。