影片
更多
2022-11-16
635 浏览
上網睇到御滿屋放題有鵝肝、松葉蟹鉗、小龍蝦、大拖羅同加拿大海膽任食，不過lunch加一後都要$570一位。同太太都好喜歡食拖羅同加拿大海膽，所以決定試一試。不過試過之後真係非常失望！早一日訂枱，但入座前先被通知冇咗小龍蝦，亦冇替代嘅海鮮補返，不過同太太諗住主要食加拿大海膽同拖羅，咁都冇所謂啦。一開始叫咗一round加拿大海膽、鵝肝、大拖羅、松葉蟹鉗同劍魚腩刺身。除咗鵝肝要差唔多30分鐘，其他嘢都10分鐘內到。加拿大海膽、大拖羅、同劍魚腩都唔錯，松葉蟹鉗就一般。因為加拿大海膽一份大概只得一茶羹嘅size，所以一次過叫十份，但係兩個人一轉眼就食晒，所以馬上再點。第二次加拿大海膽都keep得到，但之後再叫就出事！由第三轉開始，每次叫親加拿大海膽都漏單(其他刺身同食物都冇漏)，次次等成超過半小時都未到。每次都要向侍應吹單，再等十零分鐘先上到枱，但放題係有限時，咁樣出法，根本唔叫得幾多次加拿大海膽。最慘係第三轉開始，加拿大海膽變咗一啲下價海膽(見圖)，啲海膽又細又碎又冇鮮味，向侍應反映， 佢堅持話係一樣，都係加拿大海膽，非常無奈！不過公道咁講，除咗加拿大海膽，大拖羅嘅質素都維持到，其他刺身同食物
早一日訂枱，但入座前先被通知冇咗小龍蝦，亦冇替代嘅海鮮補返，不過同太太諗住主要食加拿大海膽同拖羅，咁都冇所謂啦。
一開始叫咗一round加拿大海膽、鵝肝、大拖羅、松葉蟹鉗同劍魚腩刺身。除咗鵝肝要差唔多30分鐘，其他嘢都10分鐘內到。
加拿大海膽、大拖羅、同劍魚腩都唔錯，松葉蟹鉗就一般。因為加拿大海膽一份大概只得一茶羹嘅size，所以一次過叫十份，但係兩個人一轉眼就食晒，所以馬上再點。第二次加拿大海膽都keep得到，但之後再叫就出事！
由第三轉開始，每次叫親加拿大海膽都漏單(其他刺身同食物都冇漏)，次次等成超過半小時都未到。每次都要向侍應吹單，再等十零分鐘先上到枱，但放題係有限時，咁樣出法，根本唔叫得幾多次加拿大海膽。
最慘係第三轉開始，加拿大海膽變咗一啲下價海膽(見圖)，啲海膽又細又碎又冇鮮味，向侍應反映， 佢堅持話係一樣，都係加拿大海膽，非常無奈！
不過公道咁講，除咗加拿大海膽，大拖羅嘅質素都維持到，其他刺身同食物都唔錯，同一般日式放題差唔多。鵝肝一般，但就衰在耐啲，起碼要等成30分鐘先到。不過如果主要係想任食加拿大海膽，咁就唔使諗！
其實御滿屋唔使做得咁無賴，大可以set高啲嘅價錢，但就真係提供加拿大海膽比客人任點任食，願買願賣，願者上釣。又或者只係標明「海膽」，唔好再話係加拿大海膽，因為食兩次就轉咗啲海膽，同呃人冇分別，仲有可能違反商品說明條例。
好耐冇寫過食評，希望今次可以幫到好似我咁，想去御滿屋食加拿大海膽放題嘅人，作為參考。
张贴
