菠蘿皮QQ球 $10
其實就係放大版既麻薯波波😂完全唔明有咩咁特別，唯一值得讚既地方係新鮮出爐，拎上手仲熱辣辣，唔算太甜，不過不失👍
朱古力味QQ球 $10
好失望，面頭得個一粒朱古力豆，朱古力味一啲都唔出，求其搵間街邊既麻薯波都抵食過佢😂
限定粒粒花生QQ球 $20
個店員話花生味係今日限定，裏面仲有餡，我本身都覺得幾得意，以為係花生味cream，所以先買，點知一打開先發現只係中間夾左啲花生醬加烘過既花生粒🤡🤡🤡咁樣就收我$20，極之搵笨，以後都唔會再黎食！
其實菠蘿皮麻薯波波四喜都有出，價錢仲平好多，如果撞正新鮮出爐，A1、yamazaki個啲都好好食，無必要特登黎排隊買….
