赤丸製麵所 (已結業)

我很喜歡吃烏冬，自己響屋企都成日煮烏冬食，這間打正旗號是烏冬店所以耐不耐都來食下。而且呢度好便宜，一個麵都係50元上下，所以心思思加下小食，兩個人食，埋單都每人$70。而家食M記都$30多元，赤丸都算係價錢相宜的餐廳了。老公不喜歡食烏冬，所以點了拉麵。個湯幾濃，半溶芝士又火炙了，令麵更好味。但牛肉份量不多，加多少少好嗎？又唔係咩靚牛肉。我點了軟殼蟹冷烏冬，呢個好味。烏冬算得上彈牙爽口，加上青瓜、蟹籽、車厘茄，幾清新，軟殼蟹份量也不少，夠滿足，配以和風汁同埋沙律醬，味道幾夾，中和了炸軟殼蟹的油炸感。建議沙律醬可以略減少。本來諗住單點個烏冬($52)，侍應說加多$4可以跟餐，多一個小食及飲品。老公見我加又唔執輸，反正食物都唔貴，於是佢又加了竹筍和魚餅。魚餅($20)，我無食到，我諗都係普通嘢。薯餅是跟餐的，香脆大份，不過稱為牛肉薯餅，我唔覺有牛肉。竹筍($10)，我無食到。芬達+柚子茶。柚子茶都係普通沖出來那種，略甜，我自己加啲水沖淡來飲。呢類鋪頭，平平地，偶有驚喜，都價得俾個笑臉的了。