XTC Gelato (已結業)

呢間鋪頭既gelato 其實幾好食，間唔中又有d seasonal flavour，所以行過見到有想食既味都會買黎食。今日又見到有seasonal flavour所以入左去，見到個大waffle cone 仲加左十蚊要waffle cone。不過呢個真係一個超級大既錯誤佢話呢個係自家製waffle，但係原來只係自家製而唔係即制，放係店員身後一個透明膠櫃。本身呢個都唔係問題，反正d cone 都係整定放埋一二邊或者買返黎，但都一樣好味。但係佢呢個要加十蚊買既waffle cone 係淋灑，啪都啪唔斷，淋支支，仲要唔好味，得死甜。拎住係幾得意既咁大舊，但係我買食物係為左食而唔係影相放IG，都唔好食把鬼咩。雖然係gelato，但始終都係肥。明明食雪糕係應該開心架嘛，因為一舊waffle cone 就成個mood 都無曬。