不過都係入咗去，望住嗰餐牌我呆咗！我知香港近年咩都加價，但係冇食一年姐，竟然赤丸啲價錢加咗成倍⋯絕對唔抵食！
仲要一入到去，有位手掌咁大嘅蜻蜓係到周圍飛，嚇到我同其他客人差啲尖叫！但係嗰疑似老闆嘅男人都冇即刻叫啲侍應去捉走佢，佢只係話「蜻蜓尼姐」有一刻，真係想即刻走人唔食嫁！
最後叫咗個下午茶，辣肉田園稻庭冷烏冬配巨蜂提子汁。佢用芝麻醬去配嗰烏冬，我覺得有啲留，其實啲肉配烏冬已經好夠味。佢話辣肉，但一啲辣味都食唔到，只係得鹹味。成嗰餐好似係炸醬面嘅烏冬版咁，啲青瓜蕃茄同成個味完全唔夾。不過巨峰提子汁味道唔錯，唔太甜～
