功夫點心 (已結業)

✨豉汁花枝釀茄子花枝彈牙 茄子外脆內軟 豉汁帶微甜✨功夫蝦餃皇蝦餃 幾大隻 皮厚薄適中 蝦爽脆 有唔少筍絲✨蟹籽香菇燒賣皇燒賣 大大粒 比例幾好 豬肉鮮 蝦爽 帶少少冬菇香 口感結實彈牙✨古法潮州粉果粉果 皮薄煙韌 餡料足 味道正常✨雞髀菇豉蒜蒸排骨排骨份量唔少 唔會肉少骨多但切得求其 排骨仲係連住蒜味濃 但食到有少少雪味雞髀菇爽脆✨黑椒金錢肚金錢肚 有咬口唔會過腍 黑椒味濃但有兩件唔太新鮮 有怪味✨酥皮焗叉燒包上枱雖熱 但似番叮 頗油膩酥皮易甩 包乾硬 叉燒餡略少 叉燒偏乾總結：食物不過不失 蝦餃燒賣茄子唔錯但其他非常普通 酥皮焗叉燒包好差環境麻麻 擺枱都幾密 冷氣欠奉好似冇開咁服務正常 店員都有主動加水 價錢可以 冇加一服務費