最近商場電梯翻新，上去平台要轉行樓梯/轉𨋢。
餐廳環境光線充足、整齊、空間感大，每張台之間都有距離，不會逼夾。
點心紙好特別，好似武林秘訣，非常切合「功夫」主題！
食物選擇都好多，不過今日我地呢餐主打係盅頭飯，叫左：煎糯米雞、排骨飯、章魚肉餅飯同鮮蝦荷葉飯。
煎糯米雞好香口，幾好食；排骨飯果然係推介，排骨醃得入味，肉汁滲透飯內，令人回味
；章魚肉餅對比起來比較遜色，但份量同價錢在尖沙嘴區算是不錯；荷葉飯都好香，內裏有兩隻鮮蝦，味道稍淡。呢度蝦餃燒賣都係一籠兩粒，落柯打記得數人頭呀！蝦餃燒賣裡面嘅蝦都好大粒同彈牙，好滿足！
鮑汁雞腳點多左一份，雞腳入味香滑，個汁攞黎送白飯就一流喇
食到尾聲叫埋甜品，不過只有燉奶同煎堆兩個選擇。我地一致叫桂花糖燉鮮奶，燉奶都幾滑，不過啲桂花糖漿真係好甜好甜，建議撥走部分先食。
今餐都點左好多點心，全部都令人滿意，尤其是喺尖沙咀區，呢個價錢絕對值回票價，可以encore！
