影片
更多
2021-09-17
84 浏览
好少同男朋友出去食啲好貴嘅日本餐廳，咁啱最近轉左新工，加咗人工之後決定慶祝一下！今日嚟咗呢間灣仔嘅新日本餐廳，一打開門就見到一盤好靚嘅楓葉🍁樹，好適合女仔打卡Dinner Omakase有分幾種，由$1580起，但當你見到食嘅嘢就會覺得呢個價錢相當便宜！除咗有前菜，汁物，甜品之外，仲有15隻料理，以我呢個胃口唔太大嘅人絕對絕對絕對係覺得超級超級飽！嘢食方面其實每個人嚟都會有啲唔同，因為Omakase 就係會用上當日最新鮮嘅食材，而且師傅都會同大家講一講呢款係乜嘢魚嘅刺身，不過我真係唔記得咁多種🤣🤣🤣所以精選左幾款重點介紹，配上岩鹽嘅係依佐目～唔知係咪咁寫😆鹹香灑滿魚嘅上層，食落咸香，估唔到刺身如果加入岩鹽既味道係會咁襯！好少可以食到刺身係沾鹽呢個北海道仙鳳子超級超級鮮甜！比起平時食嘅西餐廳生蠔係更鮮美！原來喺日本餐廳食到日本生蠔係咁幸福🤤✨厚厚既日本野生三文魚，有冇見到呢一個三文魚嘅厚度同色澤，完全同平時我哋食嘅三文魚好唔同！色澤好似煙三文魚咁，食落既質感好厚實👍🏻粒貝呢個真係超級爽口，爽甜味充斥整個口腔帆立貝天婦羅加海膽，黎日本餐廳點可以錯過食海膽呢～除咗呢款加入左海膽之外，之後仲有
好少同男朋友出去食啲好貴嘅日本餐廳，咁啱最近轉左新工，加咗人工之後決定慶祝一下！
今日嚟咗呢間灣仔嘅新日本餐廳，一打開門就見到一盤好靚嘅楓葉🍁樹，好適合女仔打卡
Dinner Omakase有分幾種，由$1580起，但當你見到食嘅嘢就會覺得呢個價錢相當便宜！除咗有前菜，汁物，甜品之外，仲有15隻料理，以我呢個胃口唔太大嘅人絕對絕對絕對係覺得超級超級飽！
嘢食方面其實每個人嚟都會有啲唔同，因為Omakase 就係會用上當日最新鮮嘅食材，而且師傅都會同大家講一講呢款係乜嘢魚嘅刺身，不過我真係唔記得咁多種🤣🤣🤣
所以精選左幾款重點介紹，配上岩鹽嘅係依佐目～唔知係咪咁寫😆鹹香灑滿魚嘅上層，食落咸香，估唔到刺身如果加入岩鹽既味道係會咁襯！好少可以食到刺身係沾鹽
呢個北海道仙鳳子超級超級鮮甜！比起平時食嘅西餐廳生蠔係更鮮美！原來喺日本餐廳食到日本生蠔係咁幸福🤤✨
厚厚既日本野生三文魚，有冇見到呢一個三文魚嘅厚度同色澤，完全同平時我哋食嘅三文魚好唔同！色澤好似煙三文魚咁，食落既質感好厚實👍🏻
粒貝呢個真係超級爽口，爽甜味充斥整個口腔
帆立貝天婦羅加海膽，黎日本餐廳點可以錯過食海膽呢～除咗呢款加入左海膽之外，之後仲有一款海膽壽司係用上北海道海膽，兩款當中當然係後者嘅味道較為鮮甜！不過呢款帆立貝天婦羅加海膽食落同帆立貝嘅甜味相輔相成，都唔錯😍😍😍
鯖魚+昆布，平視我一向對魚唔算話有特別喜好，呢個配上薄薄嘅昆布，食落軟熟嘅鯖魚帶有昆布嘅鹹味，魚因為好新鮮，就算唔使點醬油食都已經好足夠
魚子醬+安康魚肝 -呢個絕對係邪惡加膽固醇爆燈嘅一款美食
整個魚子醬下邊放滿安康魚肝，呢個邪惡到就算連我都抵抗唔到，慢慢食慢慢食，好快就將佢放晒入口
燒拖羅 - 一放上枱就已經俾佢嘅色澤吸引住，呈現淺粉紅色嘅拖羅，油脂感滿滿
因為脂肪比例比較多，所以首先燒咗外層再配紫菜食，入口即化嘅拖羅完全係。。。點解可以咁好食！明明係魚，但口感可以入口即溶，油脂感滿滿🤤 完全覺得整個口腔被魚脂包圍着❤️
其實食咗好多款魚㗎 ！但好難每款都詳細講，其實每款嘅味道都好正，雖然食呢個餐係最平，但真係食到好飽，最後咪仲有芝士豆腐同蜜瓜做結尾，呢餐真係食得好滿足！
张贴
