劉興記生煎包專門店

营业中

休息中

餐廳：劉興記生煎包專門店 地點：上環文咸東街 菜式：上海菜 餐牌：生煎包類、新品推介、皇牌套餐、菜飯類、湯麵類、拌麵類、蟹粉類、小食類、涼拌類、小籠包類、飲品。落單掃QR code。招牌炸雞扒拌麵 $45 招牌炸雞扒一開6件，炸得雞皮薄脆而雞肉夠嫩，啖啖肉，都好香口。面頭加上少少炸菜。麵一大底係上海面，有咬口，我叫左少醬，已經好夠味，甜甜哋好味道。雞湯小雲吞 $36雞湯小雲吞熱辣辣上枱，個湯超熱，好厚身。小雲吞一客12粒，皮薄滑溜，餡料就細細粒，伴有小棠菜兩條同蛋絲。麻醬青瓜雞絲粉皮 $45  麻醬青瓜雞絲粉皮好大碗。粉皮份量最多，質素正常。加有幼條青瓜絲同雞絲，面頭加上白芝麻粒。可以叫麻醬另上。糖醋炸排骨 $30糖醋炸排骨一開9件入口size，炸得外脆內嫩，糖醋味夠，味道酸酸甜甜好醒胃，面頭灑上白芝麻粒。有一兩舊骨仲有軟骨食。有豆漿送，豆漿夠濃厚滑溜，豆味剛好又唔太甜。除咗生煎包，呢度其他食物質素都唔錯，價錢實惠冇加一。座位有15個左右，一眼睇哂，平日午市遲過12:30到要等位。