龍點心 (寶漢大廈)

营业中

休息中

係4月份，除左我生日，仲係姜B生日，搵到呢度龍點心，除左食點心，仲可以同姜B瘋狂打咭。龍記陸寶燒賣拼盤，呢個最特別既唔止姜B，仲有點心係特色加創新，食到唔是傳統既味道。有冬陰功泰辣燒賣，將冬陰功湯既味灌入左燒賣，真係好特別。星加坡黑胡椒蟹燒賣，個味就好似胡椒豬肚但真身係豬肉燒賣，新頴又搞笑！鮮蝦蝦籽撈麵，撈麵幾都咬勁，鮮蝦大大隻，個湯用大地魚粉調配，都幾好飲。鳳爪排骨飯，鳳爪同排骨鋪滿晒，排骨厚肉骨細。鳳尾蝦多士，多士金黃色好脆口，加埋千島醬，邪惡食唔停口。生日壽桃，好耐冇食過，蓮蓉餡同包比例一比一，仲有蛋黃，好味味。拉絲菠蘿包，菠蘿脆皮有啲厚度，甜甜脆脆，唔錯！