黑金堂 (已結業)

聽朋友講呢間飲品舖比較特別，所有選項都可以自由配搭，於是特登過黎試下。一睇Menu，淨係茶底已經好多種，例如紅烏龍、四季春、鐵觀音、荔枝紅茶等等，之後就可以揀要唔要珍珠（黑糖／黃金）、牛奶或慕絲（芝士／荔枝等）。就算有選擇困難都唔驚，舖頭本身都有固定嘅set，我就揀左玫瑰鹽伯爵 $25（常溫、無糖）。攞起手偏熱，伯爵茶香味濃，相對黎講就唔係太飲得出玫瑰鹽慕絲嘅玫瑰味，但微鹹嘅慕絲溝落茶到意外都幾夾，如果好似我一樣唔鍾意甜野嘅人都可以試下。