港原味 (已搬遷) 新店位置

平時好少去大角咀，但原來大角咀都好多好嘢食。喺門口見到特色嘅裝修，所以就決定試一試。餐廳嘅裝修係以舊時嘅香港做主題，佢嘅菜式由西餐到中餐小炒都有。兩個人叫咗三餸一湯，餐廳嘅靚湯係冇加任何味精同鹽，非常之健康。黃金鮮魷🦑，魷魚炸到卜卜脆，加埋鹹蛋黃，個個都鍾意食，而且又唔會太咸。見到餐牌有個叫是咁的三色蛋，個名咁得意就決定叫黎試一試，原來係三種唔同味嘅蒸蛋，豆腐蝦仁、三色蛋同粉絲肉碎，可以一次過試晒三種唔同嘅口味，而且蒸蛋非常之滑嫩，用黎撈飯一流