影片
更多
2022-11-22
41 浏览
📍川婆婆 (尖沙咀) 天氣涼返少少就特別想食麻辣火鍋🌶️，最近就留意到呢間川婆婆👵🏻，佢哋主打川菜料理，除咗可以打邊爐之外，仲有得食雞煲同鐵板燒烤，一次滿足晒大家3️⃣個願望！而且佢哋最特別嘅係有全港首創嘅茶底麻辣火鍋🍵，有解膩嘅普洱茶、清熱菊花茶、回甘嘅高山紅茶，好有特色，一定要即刻去試試！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️新鮮農場靚牛串串套餐 ($328) 湯底方面選擇咗鴛鴦鍋底(+$30)，一邊係菊花茶茶底麻辣火鍋，可以有清熱嘅功效，亦都令麻辣火鍋嘅辣度降低，👍同時都冇一般嘅麻辣火鍋咁油膩~ 另一邊係養生菌王雞湯，味道幾鮮甜，而且好真材實料，入面有好多蟲草花同鮮雞，🥰感覺好滋補!! 牛肉方面有牛頸脊同牛小排，2款都好出色，🤤前者嘅肉質會較嫩滑，而後者則牛味香濃，雖然呢2款冇得refill但份量都好足夠！💁🏻♀️餐廳嘅自助區有各式各樣嘅火鍋配料，例如有牛肉片、羊肉片、魚皮餃、鴨血、粉麵、芋絲等，全部都係用個細盆裝住，又衛生又方便。😆另外仲有好多串串，例如牛肉粒、風琴豆腐、韭菜牛肉卷、丸類、蔬菜類等，全部都係任拎㗎，而且好新鮮！一串嘅份量細細地，咁就可以試多啲嘢食！😍特別推介佢哋嘅牛丸，入面好
天氣涼返少少就特別想食麻辣火鍋🌶️，最近就留意到呢間川婆婆👵🏻，佢哋主打川菜料理，除咗可以打邊爐之外，仲有得食雞煲同鐵板燒烤，一次滿足晒大家3️⃣個願望！而且佢哋最特別嘅係有全港首創嘅茶底麻辣火鍋🍵，有解膩嘅普洱茶、清熱菊花茶、回甘嘅高山紅茶，好有特色，一定要即刻去試試！
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
▪️新鮮農場靚牛串串套餐 ($328)
湯底方面選擇咗鴛鴦鍋底(+$30)，一邊係菊花茶茶底麻辣火鍋，可以有清熱嘅功效，亦都令麻辣火鍋嘅辣度降低，👍同時都冇一般嘅麻辣火鍋咁油膩~ 另一邊係養生菌王雞湯，味道幾鮮甜，而且好真材實料，入面有好多蟲草花同鮮雞，🥰感覺好滋補!!
牛肉方面有牛頸脊同牛小排，2款都好出色，🤤前者嘅肉質會較嫩滑，而後者則牛味香濃，雖然呢2款冇得refill但份量都好足夠！
💁🏻♀️餐廳嘅自助區有各式各樣嘅火鍋配料，例如有牛肉片、羊肉片、魚皮餃、鴨血、粉麵、芋絲等，全部都係用個細盆裝住，又衛生又方便。😆另外仲有好多串串，例如牛肉粒、風琴豆腐、韭菜牛肉卷、丸類、蔬菜類等，全部都係任拎㗎，而且好新鮮！一串嘅份量細細地，咁就可以試多啲嘢食！😍特別推介佢哋嘅牛丸，入面好爆汁juicy!!
另外仲會贈送雞煲，🐥雞件嘅份量大概係半隻雞，佢有別於一般嘅麻辣雞煲，有比較香濃嘅豉椒味，少少辣好惹味，而且雞肉唔會好鞋，啖啖肉好香滑！🤩食完雞煲之後仲可以轉塊板變鐵板燒烤，個人私心推介可以燒肉、魷魚同雞翼，全部都已經一早醃製好，好入味好正，一個價錢就可以享受到火鍋同燒烤！
飲品方面亦都好有驚喜😽，佢哋有多款經典玻璃樽汽水，飲落特別爽！而且特別嘅係仲有「紅茶花伝」系列嘅檸檬紅茶🍋同蜜桃紅茶🍑，味道好清甜解渴，仲要都係樽裝㗎！另外仲有OOHA無糖汽水同其他紙包飲品~
𝑨𝑫𝑫𝑹𝑬𝑺𝑺:
📍尖沙咀寶勒巷26-36號地舖
G/F, 26-36 Prat Avenue, Tsim Sha Tsui
张贴
