肉餅哥小炒料理 (已結業)

閒日去食，不用訂座，餐廳人流不多，我地可以兩個人坐4人台，不用同人搭台食晚飯。金沙蛋黃煎肉餅 （$75）賣相一般，咸蛋比蛋汁遮蓋了。點知食落味道很不錯，肉餅煎到十分香脆，上面鋪上厚厚的蛋白蓉及汁，入口一陣陣濃口既咸蛋黃味覆蓋全口，用黎送飯一流。 仲做緊優惠加$1蚊送菜，不過菜的份量不多。原隻波士頓龍蝦剪肉餅 （$128）肉餅以煲仔飯既形式送上，上面鋪著肉餅及砌好的龍蝦樣，賣相真係好吸睛，而且可以食到龍蝦肉，肉餅亦煎得十分香脆，口感一流，不過味道一般，沒有前者出色。再試試龍蝦鉗，發現好鹹，而且肉很少，似乎只是裝飾多過食了，哈哈。總括黎講，餐廳肉餅大多好創新，價格中上，雖然龍蝦肉餅好似味道不及賣相，但咸蛋肉餅十分出色，下次有機會會試試佢既蒸肉餅。