影片
更多
2023-02-01
31 浏览
今次介紹嘅係位於中環嘅《Little Bao》，淨係睇過名你會以為佢地賣日式蒸飽，實際上佢哋係fusion嘅中式漢堡包。遠遠就比佢地嘅紅色嘅招牌所吸引，入內係長型吧枱可以同廚師互動，氣氛一流。紅米糟板燒雞包依款有啲似中式嘅漢堡包，用左慢煮三黃雞胸肉、子薑、傳統中式紅糟醬。三黃雞本身雞味已經好濃，紅糟醬紅色帶微酸又有酒香味，冇諗過呢個組合都幾夾。招牌豬腩包佢地用左白色嘅饅頭包，加入左慢煮豬腩肉、大蔥紫蘇葉沙律、芝麻醬、海鮮茄汁。豬腩肉肥瘦適中，食落軟腍，沙律令到口感比較濕潤，食落好滋味。避風塘翠玉瓜用左薄嘅炸皮去炸，外層加入炸蒜、香蔥同埋沙律醬，香爽又帶辛辣味。黑松露薯條新鮮炸嘅薯條，上面放咗日式黃色醃製大根，配上野菌同埋松露醬。食之前攪拌均勻，因為有松露醬，所以香濃又唔會太乾。醃製大根絕對係畫龍點睛，帶一點酸甜味，又可以中和油膩感。飲品Bao Chai Hey Bao! 依款係黃色造型，加入左芒果、烏龍茶、fernet hunter。Cocktail最上面加咗creamy，飲落有啲似烏龍茶奶蓋，餘韻又因為fernet hunter帶少許苦味。Kyoho G&T用左London dry
紅米糟板燒雞包
依款有啲似中式嘅漢堡包，用左慢煮三黃雞胸肉、子薑、傳統中式紅糟醬。三黃雞本身雞味已經好濃，紅糟醬紅色帶微酸又有酒香味，冇諗過呢個組合都幾夾。
招牌豬腩包
佢地用左白色嘅饅頭包，加入左慢煮豬腩肉、大蔥紫蘇葉沙律、芝麻醬、海鮮茄汁。豬腩肉肥瘦適中，食落軟腍，沙律令到口感比較濕潤，食落好滋味。
避風塘翠玉瓜
用左薄嘅炸皮去炸，外層加入炸蒜、香蔥同埋沙律醬，香爽又帶辛辣味。
黑松露薯條
新鮮炸嘅薯條，上面放咗日式黃色醃製大根，配上野菌同埋松露醬。食之前攪拌均勻，因為有松露醬，所以香濃又唔會太乾。醃製大根絕對係畫龍點睛，帶一點酸甜味，又可以中和油膩感。
飲品
Bao Chai Hey Bao!
依款係黃色造型，加入左芒果、烏龍茶、fernet hunter。Cocktail最上面加咗creamy，飲落有啲似烏龍茶奶蓋，餘韻又因為fernet hunter帶少許苦味。
Kyoho G&T
用左London dry gin、kyoho grape同埋yuzu bright。紫紅色嘅酒身加上一串巨峰提子，充滿提子嘅果香。
最後當然到左甜品嘅時間，佢地出名雪糕包，叫左一款清酒雪糕包同埋綠茶雪糕包。特別嘅係佢哋嘅包用左炸饅頭，中間係冰凍嘅雪糕，一冷一熱都幾有特色。
✨人均250
张贴
