B07芝士雞鍋 (已結業)

新蒲崗不嬲有好多隱世美食，最緊要係新蒲崗食肆嘅價錢會比較、抵食！今次無意中係新蒲崗廣場搵到間新式火鍋店👀呢間火鍋店既模式係每人一鍋，自己可以揀番啱自己口味嘅湯底同埋配菜，而且湯底非常特別，仲有成20款唔同嘅選擇，龍蝦、芝士、蕃茄 、蟹皇、紫薯麻辣湯底等等！蟹皇芝士雞煲: 本身係芝士迷嘅我一見到已經覺得十分吸引，而且湯底有好濃嘅蟹皇味，絕對冇偷工減料！值得一讚嘅係佢嘅雞，因為佢係預先加工過、同埋炸香咗！ 而每一夠嘅雞都扣住芝士絲😍最開心嘅係火鍋店跟餐提供公仔麵，蟹黃湯底配公仔麵，我諗都係第一次食！👍🏻👍🏻龍蝦芝士配肥牛鍋: 呢個湯底嘅龍蝦味比想像中濃！而且芝士份量比蟹黃鍋多👅 我淨係飲都飲左幾碗湯先肯開始打邊爐😆同埋鍋嘅湯底夠晒濃味，完全唔使點豉油配菜已經夠味！用黎煮菜，吸曬湯底精華，更正！火鍋配菜: 如果厭唔夠配料可以再自己加，我鍾意佢加配菜嘅份量，因為佢得一至兩粒，但係咁樣可以試多幾款唔同配菜👍🏻