老虎岩餐室 (已結業)

作為香港人，小肥妹當然鍾情於本土美食！平時諗唔到食咩，茶記同冰室都會係我搵野食既頭三甲！今次來左老虎岩餐室呢度食返本土美食先❣️..🥪招牌牛腩芝士蛋治好創新既組合！呢度主打牛腩，所以用牛腩來整芝士蛋治，份量勁多！睇圖二三都知多到漏出來🤤 除左有牛腩、芝士同蛋仲有蕃茄，平衡返又清新！包底烘得香脆，食完都飽..🧆蒸手打燒賣拼芫茜燒賣我勁鍾意食燒賣！屋企長期都有燒賣，方便隨時蒸熱來食🤣 呢度既手打燒賣好大粒，裡面有豬肉同魚肉，好鮮！而芫茜燒賣裡面既內餡肉一樣但就多左芫茜，好香！..🍜新鮮牛腩河粉淨係睇牛腩都覺得靚！😍好厚好大件好爽，特別在唔係腩汁，係清湯，但食到鮮甜味，真材實料！仲有軟腍的白蘿蔔，好入味😋..🧋黑糖仙草奶茶聽個名以為係台式奶茶，但並唔係，而係港式茶底配黑糖仙草，所以味道無台灣奶茶偏甜，反而茶味濃～..🧋手調樽仔奶茶勁濃郁既奶茶，因為無加冰所以唔會溝淡左，係成樽咁批雪櫃凍住，味道唔會甜，採用金茶王茶底，正！..睇返原來呢間既總店係在大埔，仲好出名！今次在油麻地開分店，方便哂九龍人食啦😋 見到仲有其他食物都好吸引，例如沙茶安格斯牛肉飯，下次要再來食下其他先