環境已經非常靚同有特色
蛇王芬臘腸蟹肉蛋白炒飯$59
炒飯夠乾身唔油膩，每啖都食到臘腸、蛋白、蟹肉，足料得黎每樣味道都好分明又好夾。
冬瓜瑤柱燉響螺$79
非常鮮甜，冬瓜同螺肉嘅味滲曬入湯，燉得火候啱好，湯料唔會散曬。
藥膳醉鴿$129
好有心思切件再還原擺盤，影相視覺一流，鴿肉滿滿嘅酒同藥膳味，好香好滑。
涼拌花甲$79
最意象不到係呢個涼拌菜，竟然打卡感滿滿，不但賣相好味道都非常好，每隻花甲都啖啖肉，而且酸辣開胃，底下嘅青瓜亦爽脆新鮮。
店員一拎上檯記得要拎定相機準備，一倒水落乾冰😍嘩 視覺衝擊不愧可以令人專登到訪。
菊花蝦餃$34
本來以為係視覺上有菊花感，點知入口都有淡淡菊花清香。
原味小籠包$29
新派食法，將醋擠落肉餡內，一口咬落去全部都係湯汁，醋味會係咬到肉時先食到，完全唔會影響湯汁
