Tiramisu' Lab (已結業)

中環街市新開左一間tiramisu 專門店，係由意大利星級廚師Ermanno Lelli 創立嘅🤩~ 呢度有超過20款口味嘅tiramisu，除左有生日蛋糕size之外，仲有杯仔size，做飯後甜品就啱曬啦🤗。 見到幾多人排隊，就埋去買左幾個店長推介口味試試😋。 ❤泰式椰香芒果米蘇我最中意呢款，餡料係用新鮮嘅芒果同椰奶製成嘅，入面有手指餅碎同忌廉芝士混和，口感清爽唔膩，芒果嘅甜度同椰奶嘅香氣好配合💕，仲有少少嘅酸度去中和忌廉芝士嘅油膩感。感覺好新鮮好香甜，好似去左泰國🍹食緊芒果糯米飯咁。 ❤開心果米蘇係用烤過嘅開心果碎同開心果醬製成嘅餡料，開心果嘅香氣同鹹味好突出👀，同忌廉芝士嘅甜味形成對比，仲有脆脆口感去增加層次感。呢款tiramisu 好濃郁好滑溜，似係食緊開心果gelato👍。 ❤1960”經典提拉米蘇最正宗最經典嘅款式，聽講係完全按照1960年代嘅原始食譜去整。每一層都好均勻好滑溜☺️，表面可可粉少少苦澀味，中間係濃縮咖啡嘅甘甜味道，芝士帶有奶香同淡淡嘅鹹味，營造出豐富嘅味覺享受。