阿四車仔麵 (已結業)

旺角「阿四車仔麵」環境舒服乾淨，落地玻璃夠哂光猛🙂主打車仔麵，傳統豬紅豬皮蘿蔔唔少得，特別就特別在小食，除左有本地碗仔翅炸燒賣，仲有日式炸雞炸蠔，幾多元化！大碗麵($58)粗麵、腩汁••••••故名思義即係款款有啲嘅多餸麵😍選擇困難症啱哂！辣魚蛋 - 口感半實半爽，唔會爽到好假 豬大腸 - 👍🏻係真肥腸！洗得乾淨舞怪味，切得厚身唔韌，唔似好多店會溝豬小腸，要讚！豬紅 - 唔會一夾就散good！四餸食仔麵($47)幼麵、沙嗲汁••••••沙嗲汁好香好重nuts味，仲食到花生粒😘。溏心蛋 - 驚喜！入口有花雕味！蛋白色澤靚口感滑嫩，蛋黃流心程度完美🤤。滷水腩肉 - 半肥瘦豬腩肉滷得非常入味，好大方切得厚身。炸墨魚卷($20)••••••大推！面層腐皮炸起好香口鬆脆，內裡薄薄一層鮮甜墨魚膠，仲食到墨魚肉粒㗎🤭！豉油雞髀($25)••••••雞髀大大隻，雞皮入味，豉油汁帶點甜，雞肉肉質唔鞋口，控制得好，無浸豉油浸到過龍，唔錯。日式吉列蠔($25)••••••配泰式辣醬無得輸😋蠔肉size合理。樽仔奶茶($16)••••••奶香味重，奶滑茶香，無冰粒唔會愈飲愈淡真係好重要，雪到冰凍飲得好爽🤪。