飲茶 (英皇鐘錶珠寶中心) (已結業)

放工可以同一班朋友出街食飯真係好難得,我哋都一致話食中菜,因為貪佢有圓枱容易啲傾偈,我哋最後揀咗飲茶,因為啲食物好精緻,啱我哋呢班女仔影相呃like!嚟到呢度邊可能唔叫最出名既得意公仔點心,我地簡左睇住流奶,吉村川奶子同埋一籠八戒,見到個名都已經覺得好搞笑,睇住流奶其實係流沙奶皇餡嘅包,吉川奶子就係綠茶味嘅流沙包,只要係佢個口既位置吉一吉,穿左就會好似嘔奶咁好得意!!一籠八戒係叉燒包,除左耳仔我覺得硬左d,整個包都好好味!!我哋仲叫咗個伯爵茶流心蛋,佢嚟到嘅時候好驚喜,因為個盒入面放咗啲乾冰出哂煙咁出現!不過我覺得伯爵茶嘅味道就唔係太大,不過都幾好食除此之外我哋仲叫咗好多好多嘅點心,擺到成張枱都係!!整體嚟講每一樣菜式都唔錯,今餐我哋食得超滿足!!