搞餃鎮

营业中

休息中

今晚唔係好想食飯，想轉下口味食餃子，石門有間餃餃鎭，餃子專門店，同朋友試吓坐地鐵石門站C出口，步行一分鐘就到，非常方便，地方雖然唔大，但坐得舒服，香港食肆冷氣都非常大，真係好想食完快啲走，這裡就剛好。養生三拼湯餃：准山野菌雞肉餃：餡料用咗准山同野菌，野菌質感煙靭，准山滑，配搭一齊好嫩滑，餡料飽滿。帆立貝萵筍鮮蝦餃，帆立貝和鮮蝦很鮮嫩加入爽口嘅萵筍，效果很好。紫菜粟米豬肉餃。紫菜嘅香味，粟米香甜，好夾。湯底用咗花膠淮山雞熬製，好似媽媽煲嘅湯。准山野菌雞肉餃拼咖哩准山羊肉煎餃，由於用咗准山所以個餡好滑，餡料豐富。咖哩羊肉餃，有咖哩香味但不辣，怕辣亦啱食