🌍 香港深水埗黃竹街3號地下2號舖
📝整體評分： 8／１０
隱身街市旁的平民小店，中式主廚入廚三十年，烹煮創意車仔麵餸料~
成日周圍食野要，最近要管理返身材，可惜無得轉菜式，就叫左淨五餸配終極全汁，清湯用左豬骨雞腳熬煮，加腩汁、咖哩汁、鹵水汁、辣汁，全汁加哂有啲混濁，腩汁加自家炒既辣汁應該係最正！
• 70度慢煮火焰和風豚肉叉燒
• 自家秘製豬手
• 自家製雲吞
• 自家製韭菜餃
• 根再食牛腩
風豚肉叉燒必食，極推！出色過日式拉麵果塊叉燒多多聲，唔好睇佢邊邊位煙黑，灸燒焦香味真係無語論比，日式和風醬汁的甜咸香帶微辣，肉汁豐沛，肥美得黎卻食落唔會膩！！
豬手都係好正，一咬就愛上佢既Q彈脆嫩，豬手慢煮至皮脆肉嫩，帶秘製醬汁的甜咸香，醬汁入味，入口彈牙不柴
✿ 咖喱三寶
• 白魚蛋彈牙鮮甜，豬皮勁索味，蘿蔔就甜左D，但浸滿濃郁微辣咖喱汁就中和返個味道，咖喱膽炒得好香，咖哩香味好出，調味上左偏向甜。
✿ 藤椒魚皮
• 藤椒魚皮幾好食，係好過癒既小食，但食到我流淚，魚皮麻辣脆爽，椒麻好重!!!!
✿ 炸雞翼配韓式柚子醬
• 雞翼炸至外皮金黃酥脆，內裡多汁嫩滑；食左咁多肉有D膩，韓式柚子醬比到驚喜，，酸甜微辣，柚子清新解膩，十分韓既醬
