L'attitude (已結業)

第一次黎呢到食飯，餐廳位於金馬倫道，地點方便，餐廳佈置好warm令整個感覺好舒適。 呢到除左有好多不同種類的食物之外，仲有好多各式各樣的飲品，<太妃鮮奶茶 （熱）$38> ，奶味重，口感滑，充滿香氣，味道比較似台灣的奶茶感覺，好好飲。 另外，<蕃茄肉醬意粉 $68>，酸味同牛肉味好balance，意粉口感彈牙，料多，每一口都掛滿肉醬。 有驚喜 <墨魚蝦滑蝦堡 $88>，墨魚蝦滑的墨魚味突出，伴隨蝦肉，非常鮮味，加上蔬菜同半溶芝士夾埋黎食，好夾! 配菜有薯條，熱騰騰的粗薯條，薯味不錯。 無論主菜及飲品同樣令人滿意，值得推介！