十兄弟車仔麵 (已結業)

喺灣仔做完嘢放lunch唔知食咩好，經過見到呢間車仔麵都幾多人去食嘢，諗諗下都好耐冇食車仔麵，所以決定排隊入去食嘢。望一望佢哋嘅餐牌啲名都幾盞鬼，香脆豬元帥、呢碗唔野少、食神嗱喳麵。食肉獸嘅我就決定要揀香脆豬元帥🐷，入面包左炸豬皮，香炸豬頸肉，台山豬腩肉，滷水豬大腸同埋福建豬肉丸。炸豬皮炸到好香脆！跟住香炸豬頸肉就外脆內軟！豬肉丸同埋豬腩肉都非常之入味！咁多配料再食埋個面實在太滿足啦😆不過我仲未夠喉再叫埋個鮑汁魚肚 ！只係$28，但份量都唔少啱啱好👍🏻有超濃郁嘅鮑汁味道滲透晒落魚肚入面🤩正～整體而言，呢間車仔麵嘅價錢唔貴，而且食物質素十分之高質，遲啲一定會再嚟過。