Lab Eat Bistro (豉油街) (已結業)

約左閨蜜同佢食生日飯，壽星公話想鋸扒，就約左黎依間網上評價唔錯嘅餐廳試試。首先環境方面餐廳好舒適，燈光好有情調，牆面用左唔少清水模，好有個性。Bistro Punch & Sparkling Lychee Lemonade ~ 荔枝凍檸檬梳打岩晒我依D減甜人士，荔枝配搭檸檬味好清新，而且造型好可愛，荔枝肉上面有朵紫花花，見倒心情都愉快埋😌媽咪炒蟹 ～ 今晚最特別嘅菜式！佢係媽咪配炸軟腳蟹，調味係用咗辣椒粉，另外媽咪麵嘅粉同shake shake袋都好貼心咁比埋你😆好玩又好食。軟腳蟹蟹肉厚，炸粉夠薄，外脆內軟非常香口。香煎法式羊架 ～ 份量夠大羊架肉夠厚，生熟剛剛好，羊肉唔蘇咬落好有肉汁，配搭香草乳酪嘅醬汁食落冇禁膩。而配菜都係好用心，煎香嘅新鮮青椒、紅椒、串串茄好甜都好美味。特選級牛臀肉上蓋扒 ～ 好有肉香嘅牛扒！聽服務員嘅意見三成熟，咬落去好多肉汁，一D都唔鞋。我地要左煙燻海鹽及香草牛油，個人十分推介！非常香嘅香草牛油味，係味蕾享受！松露薯條都一定要讚下，好香濃嘅松露醬，配搭炸起外脆內軟嘅薯條真係令人一條接一條咁食🤤。